立鮨 (Tower 535)

Open Now

Now Closed

今日經過銅鑼灣總統戲院果頭, 見到轉角位有間好靚既玻璃屋, 原來係一間壽司店，所以就入去試試，入到去店舖位置不大, 大約得10個企位, 無錯係企位，你無睇錯，因為呢間係一間立食壽司店。我地點左10款壽司，有三文魚腩壽司、鮫鰈魚邊壽司、碎蔥吞拿魚腩軍艦、原隻活赤貝壽司、北海道特大珍寶帶子壽司、海膽軍艦、秋刀魚壽司、珍寶赤蝦壽司、赤鯥壽司同中吞拿魚腩壽司。當中比較特別既就係秋天時令既秋刀魚壽司，肉質好新鮮，充滿海洋既味道, 其次係北海道特大珍寶帶子壽司，入口鮮甜, 仲有原隻活赤貝壽司、赤鯥壽司同中吞拿魚腩壽司都係非常肥美。雖然係立食, 但司傅上菜速度都幾快, 唔使半個鐘就食完, 又唔會覺得企到好攰, 今次立食體驗整體不錯。