漁火海鮮刺身火鍋

Open Now

Now Closed

呢日同兩個朋友黎到打邊爐，有個朋友話之前食過幾好所以帶左我地去試。小編好少咁少人去打邊爐，所以唔知啲價位係點。但係嗰晚埋單真係嚇親，唔知係我地叫得太癲定本身少人打邊爐就係要貴啲。呢個牛肉拼盤要四百零蚊，係幾好食嘅，不過呢個份量呢個價錢好似少左d?!潮式手打牛筋丸令人有啲失望，唔太好食之餘仲要係普通牛丸咁嘅質感。羊片有啲羶，唔算好食。叫左啲海鮮食，桂花蚌、珊瑚蚌同蝦夾埋已經四五百蚊，不過都幾新鮮。牛栢業同炸魚皮都冇咩特別。呢度要收開瓶費，要五十蚊枝，朋友堅持要開哂三枝😂 加埋醬料、湯底同其他野食，真係唔怪得咁貴 下次少人打邊爐都係叫少啲野食開少枝酒，如果唔係荷包真係負荷唔到😂