今日好想食壽司, 大食妹就上網搵咗搵, 發現千両嘅都有啲熟嘅壽司, 於是就嗌咗份
<炙燒壽司一人前>
睇開大食妹食評嘅朋友都知道, 大食妹唔係好食生嘅嘢食
今次就嗌咗炙燒壽司一人前
炙燒壽司一人前總共有12舊壽司, 分別係炙燒中吞拿魚腩、炙燒油甘魚、炙燒牛油珍寶帶子、炙燒牛油珍寶赤海蝦、炙燒鰻魚、炙燒左口魚裙邊同加州小卷
如果大家好似大食妹一樣唔食生野嘅, 可能會覺得炙燒中吞拿魚腩、炙燒油甘魚同炙燒左口魚裙邊有啲過生
用料雖然新鮮, 但係唔夠肥美
炙燒牛油珍寶帶子同炙燒牛油珍寶赤海蝦味道鮮甜, 質素唔錯
炙燒鰻魚同加州小卷呢啲完全熟食類就不過不失:)
