稻菊日本餐廳 (Closed)

跟老友記食飯。佢係呢度嘅常客，不斷推介D嘢要幾好食有幾好食。自己亦响度食過兩次lunch，心諗:"冇咁誇張ma?"，不過亦認同係全港食tempura數一數二嘅地方。但係，坐响旁邊嘅太座已口水長流，為了一償太太心願，自己亦未試過响度食dinner，欣然前往...奉勸大家一定要生tempura counter，邊食邊睇住師傅烹調，一方面可以食到剛炸起嘅食材(係食好tempura嘅先決條件)，另方面可欣賞師傅手勢，確係賞心樂事...参詳一下MENU，當然只專攻tempura。先嚟個chef special嘅雜錦tempura...本地蝦、金目鯛、目光魚、白飯魚...全部都新鮮到極點，一食就將嗰D普通貨完全比下去...但烹調技術就有D失望--- 炸漿過厚(好嘅tempura應該炸粉只會薄薄鋪响食材上)，且有點油，睇睇吸油紙就知。响其他地方食可能就過得關，但响呢度發生就太令人失望嘞...但無論如何，只要有靚食材，點差極都有個譜嘅...再嚟蕃薯及車厘茄。車厘茄以芝蔴汁伴上，食味提升了一層，太座大讚...大蜆價錢與味道不成正比，肉少少過韌，應該係師傅炸過咗火...Uni以紫菜包住嚟炸，極之鮮甜，一讚