一風堂 (馬鞍山廣場) (Closed)

今日突然想食拉麵，所以去咗一風堂食，叫咗特製白丸元味，同埋特製赤丸新味，兩個麪嘅湯底都好正， 赤丸個湯底就有少少辣， 但係都唔係話好難接受，因為我本身都唔係食得辣嘅人但都完全冇問題。所以下次去食，唔食得辣嘅人都可以叫赤丸， 總共有四片叉燒，都好冧好入味。另外叫咗兩款小食，分別係明太子雞翼同埋炸紫菜魷魚鬚，個人比較喜歡食個魷魚鬚因為啱啱炸起同埋個魷魚比較鮮味，點埋沙律醬嚟食簡直係絕配 。另外想提提大家入面有 辣味 芽菜可以自己任夾，嗰個辣就真係比較勁啦，但係如果喜歡食芽菜嘅人撈埋個湯底嚟食就冇咁辣， 同埋佢經過醃製之後都係好入味。