緣聚 (Closed)

超耐冇食過放題 但今次食嘅放題食物種類之多拍得住食buffet 午市只係$258一位 仲要12:00食到15:00 不過如果想食好啲就要升級$190 睇落升級$190好似好誇張 但升級完係認真拍得住自助餐 升級食品係單點都$68/$98嘅東西 所以其實食兩三樣已經抵番 食足三個鐘無限時 所以都幾岩良朋共聚 吹水食野😆😆食物選擇真係多到不能盡錄 我就重點介紹好少喺放題見到嘅特色野同升級回本之選😂1️⃣鵝肝多士呢個item食buffet係要排隊搭嘅 呢度竟然可以食到 而且鵝肝唔細 都有厚度 配埋蜜桃一齊食 多士夠脆 美味！！2️⃣蟹味噌甲羅燒配米通脆脆呢個又係一絕 又係單點$78嘅物體 將一啖啖甲羅燒搽落米通食 啖啖滿足 鮮味十足😎3️⃣中拖羅配醬油脆脆中拖係堅中拖 一上已經見到夠曬肥 雖然比較薄 但不減鮮味🤓4️⃣刺身深海池魚+生蠔刺身基本野有齊 三文魚油甘魚蝦同帶子 最有誠意就係有生蠔同深海池魚 深海池魚真係通常去到高級日本菜/omakase先會食到 白身魚食淡淡鮮味 正🙀5️⃣鰻魚串燒鰻魚 食開串燒都知一串又係$68起 而真係燒得好有水準 除左皮唔夠脆之外 肉質夠口感又鮮味 放題黎講好高質素6️⃣抹茶紅豆冰