等咗一小時三十分鐘終於可以入到去
小朋友要等到不耐煩先做一個兒童餐畀佢
兒童餐顏色豐富色彩繽紛
小朋友最鍾意
大人就叫個酥皮湯做頭盤
酥皮好香牛油味
再叫一個洋蔥圈做小食
炸到脆卜卜之餘又唔會覺得揸得太燶
跟住叫咗個意粉
味道正常不過最特別嘅係我叫佢加啲芝士粉畀我
佢充滿誠意搵條友揸住嚿芝士喺我面前刨
最後就叫咗個墨汁海鮮意大利飯
唔知係咪意大利飯都係要煮硬飯
海鮮味好香不過真係好硬咬落去好似食生米咁
意大利飯我食親都係有呢個感覺
究竟係佢煮得硬定係真係一個傳統🤔
整體都係坐得好舒服味道亦都唔差
賣相亦都唔差
