小城大廚

今日又同朋友去發掘下工廈嘅餐廳，咁岩見到呢間新開張，價錢又Okay就決定試下。餐廳職員服務態度好友善，座位闊落，如果人多仲可以包廂打麻雀。


梅菜扣肉 $138
朋友喺客家人都話夠正宗，肥瘦比例適中，入口即化，炆得夠入味，但唔會覺得重口味，仲保留到腩肉本身嘅脂香。主角梅菜無渣帶梅香，唔會食落成口油。


蜜汁鱔球 $108
CP 值之選，條鱔本身都靚，然後起左骨先炸，咬落啖啖肉，肉質實淨彈牙，份量唔少但價錢超實惠。


蒜蓉粉絲蒸蟶子 $144
見到有水缸養住D 生猛海鮮，心郁郁就叫一碟。蒜蓉粉絲嘅味道唔會蓋過蟶子嘅鮮甜，食落亦唔會成口油或鼓油。


砵仔豬油撈飯 $15
可以自己決定落幾多豬油同鼓油，勁邪惡但勁爽皮。