今日開完OT攰到一個點，唔理咁多就去左龍城冰室，因為佢真係算好食，啲服務態度又好，就算攰入到去坐底都好舒服，起碼唔會催你叫野，又冇比面色人睇。
而家佢地真係越黎越大眾化，真係咩都有得叫。 常餐食麵，晚餐叫飯麵，沙律，鐵板，扒意粉，小菜，小食，真係好多野簡。
最後，簡左個鐵板西冷配薯菜。 竟然仲有得簡幾成熟，仲有得跟包同湯。 我就簡左菠蘿賓治特飲，超正，夠大杯又消暑又解氣。 西冷要7成熟，真係唔講得少，厚得黎好嫩口，最緊要仲有啲爽，好難得茶記煮得咁好。 個薯菜既薯仔好甜。
食完再加多件芝士流心西多。 果然好厚，切開中間芝士真係流心，正到爆。
盡情食一餐既感覺真係超爽。
1
1
2
2
9
