Video
Read full review
2020-09-13
1695 views
手上嘅海港城coupon就嚟到期，即刻喺OpenRice預約星期六嚟食下午茶☕️佢都唔算好full好容易就可以預約到～呢個Tea set亦都星期一至星期日都有得食～準時三點先可以入座，本身安排咗嘅座位相當衰，坐喺Buffet食物旁邊，會有好多食自助餐嘅人經過拎嘢食...見唔對路即刻同waiter講想調坐室外，waiter服務都好好，即刻幫我換咗出室外嘅位置。不過今日落雨，室外開咗傘，所以好鬼黑，影相唔好睇，同埋室外嘅音樂好大聲，難啲傾偈。其實室內有啲梳化位好好睇又舒服嘅，不過咁啱冇安排到啫...建議大家預約嘅時候講明要梳化位。講返下午茶嘅食物，造型賣相好好睇，影相打卡一流，今日天陰陰佢個閃燈棉花糖特別突出！但係有個問題就係，個棉花糖幾分鐘就會溶化，收縮變細，然後啲糖水就會滴落去最頂層嘅鹹點上邊...所以要極速影幾張相然後食咗個棉花糖😖我整到成手成枱都係超狼狽..仲要糖漿沾染左幾舊鹹點😫鹹點味道都幾出色，香煎帶子配熱情果沙沙醬，鴨胸鵝肝綠茶千層餅，溫泉鵪鶉蛋巴馬火腿包呢三款都好美味～甜點方面伯爵紅茶檸檬蛋糕唔會太甜清清地幾好，伯爵紅茶朱古力慕絲蛋糕🧁朱古力味好香濃唔會太甜，茉莉茶蘋果啫喱凍
佢都唔算好full好容易就可以預約到～呢個Tea set亦都星期一至星期日都有得食～
34 views
0 likes
0 comments
準時三點先可以入座，本身安排咗嘅座位相當衰，坐喺Buffet食物旁邊，會有好多食自助餐嘅人經過拎嘢食...見唔對路即刻同waiter講想調坐室外，waiter服務都好好，即刻幫我換咗出室外嘅位置。不過今日落雨，室外開咗傘，所以好鬼黑，影相唔好睇，同埋室外嘅音樂好大聲，難啲傾偈。其實室內有啲梳化位好好睇又舒服嘅，不過咁啱冇安排到啫...建議大家預約嘅時候講明要梳化位。
講返下午茶嘅食物，造型賣相好好睇，影相打卡一流，今日天陰陰佢個閃燈棉花糖特別突出！但係有個問題就係，個棉花糖幾分鐘就會溶化，收縮變細，然後啲糖水就會滴落去最頂層嘅鹹點上邊...所以要極速影幾張相然後食咗個棉花糖😖我整到成手成枱都係超狼狽..仲要糖漿沾染左幾舊鹹點😫
鹹點味道都幾出色，香煎帶子配熱情果沙沙醬，鴨胸鵝肝綠茶千層餅，溫泉鵪鶉蛋巴馬火腿包呢三款都好美味～
甜點方面伯爵紅茶檸檬蛋糕唔會太甜清清地幾好，伯爵紅茶朱古力慕絲蛋糕🧁朱古力味好香濃唔會太甜，茉莉茶蘋果啫喱凍酸酸甜甜，雖然完全食唔出有茶味，但我都鍾意！
英式鬆餅普通、玫瑰果洛神花馬卡龍好鬼難食、熱情果芒果泡芙普通...
40 views
0 likes
0 comments
Twinings茶叫咗兩款都好好飲，其中一款係玫瑰原片紅茶同埋夏日花果綠茶🍵兩隻都好香，套茶具又靚，我直頭有啲想買添啊⋯⋯
23 views
0 likes
0 comments
整體來講用完coupon之後$330兩位，咁就抵食嘅對得住個價錢，如果正價就唔係好會考慮了，不過匯豐卡或者OpenRice訂枱都好似有八折，咁都可以接受嘅。
Post
