八鍋堂．中日火鍋專門店 (Closed)

十月份一早一晚天氣涼涼地，火鍋出動係時侯，之前在屋企打邊爐，要預先去街市買材料，因為樣樣都想食，買下買下成幾佰蚊，仲要洗肉洗菜，食完又要執拾又要清洗，依家諗起都頭痛。為免以上麻煩，今晚同太太出了旺角食，兆萬地下好多人派傳單，見呢間啲野食不錯就走了上去。餐廳面積大，仲要係閒日，所以唔駛等就入得，餐廳佈置唔係話好靚，不過勝在企理，好似雪櫃放的不同丸類、菜、麵等擺得OK唔會亂，仲有出前一丁咁驚喜添，飲品類普遍都齊晒，也有啤酒，各適其適，幾落本。食物味道方面，火鍋食材新鮮，肉類幾嫩滑，蝦肉爽口有鮮味，其他好似吉列生蠔同炸雞軟骨都香口，送酒一流，反而係壽司啲米飯稍為乾身容易散。整體來說，平均價錢二佰幾，款式選擇多，我和太太覺得不錯，最重要唔駛好似係屋企食完要執野同洗野，舒舒服服夠方便。