撈喜 (Closed)

小店裝修簡單舒適，牆身貼滿食物相，實行有圖有相。除左一定要食主打花膠撈面之外，正所謂不時不食，推介料必食。廿幾蚊食到鮑魚，價錢相當吸引，平靚正之選，爽口彈牙，好食。花膠撈面，望落的色，撈起食埋就知猛料，大約有2大碗面既份量，爽無梘水味，花膠軟棉棉炆得夠。老黃瓜燉魚翅，湯頭勁量，魚翅成梳成梳，爽到爆，連埋雞肉燉，好濃烈雞味，飲得出係新鮮雞，呢個真心推介。黑松露四頭南非鮑意大利飯，係一間咁中式既餐廳，又燉湯又花膠面呀，突然有個咁西式既野都幾特別，不多講，有圖有真相，黑松露佈滿每一粒飯，個種濃烈既味道真係唔識形容，成件事絕對"誇張"。木瓜花膠奶凍，滑不流口直落喉嚨，甜度剛好帶點奶香，入面仲有幾片花膠，太奢華吧。而家落街食個茶記最少70蚊落樓，同一價錢係呢度係食緊花膠撈面咁奢侈囉，簡直瘋狂兼反通脹，支持用心小店。