船皇 (謝斐道) (Closed)

呢排食得外賣多都無咩胃口 午餐打算食下粉麵無咁頂肚但又唔想太清 就諗起可以去船皇食個泰式湯麵佢主打船麵 湯底都指定係個種味道 但比起中式 個湯頭味道層次多好多 佢呢道味道都好正宗 我次次都飲到見底 餐牌提供不同麵種類以供選擇 想吸湯就揀左米粉 湯麵都配有好多材料 好似中式車仔麵咁 牛丸 豬肉丸係泰式 比較細粒 仲有牛肉雞翼雞絲豬潤 多種配料再配埋吸左湯米粉 正 仲會有炸豬皮 脆卜卜食完覺得開胃左 叫埋杯青檸飲品滿足下餐廳佈置都好有泰國氣氛而家冇得去旅行去食下呢啲餐廳就當係去咗