帶屋企人尼食過，同老公都尼過幾次，本身都想試下粉嶺其他泰國餐廳，但都係對呢間比較有興趣，每次食都冇令人失望！
今次同老公兩個再去撐枱腳，叫左一個2人餐-$178，雖然話套餐包兩杯野飲，但都係要加錢既😳😳呢個令我有少少意外，食左幾次我今次先知…每杯都要+$6，都唔緊要啦，同老公叫左兩杯普通野飲；不過佢地幾好既，有免費例湯飲，都係足料好味！
另外再叫左份薄餅+咖哩焗軟殼蟹，每次必食既！薄餅係我鍾意食，軟殼蟹係老公鍾意食！
份2人套餐都夠2個人食，我地最後食唔哂，要打包拎走份軟殼蟹同薄餅，冇計，真係想食，就打包埋比屋企人一齊食👍🏼
整個上菜速度都係快既，我諗點完餸等左大概15分鐘左右，都陸陸續續上台👍🏼
Total成餐食左4道餸+份薄餅=$375（連埋兩個外賣盒）
二人餐既第一道餸，唔知係味知我同老公都唔太食得辣呢，佢炒得唔會好辣，老公好鍾意食，炒得好香！好快就食左大半碟。
2人套餐既第二道餸，香脆可口 ，仲有好彈牙既蝦肉，每次必叫既，點埋泰式辣醬真係好好味😋
2人套餐既第三道餸，大大碟，滿滿既肉鬆鋪面，我同老公兩個人都食唔哂，不過我好鍾意佢加埋臘腸去炒，令個飯更香，仲加埋兩隻青口，令成個飯更有特色。
另外再加叫既，薄餅我都好鍾意食，夠香夠煙韌又帶一點點脆，叫一個咖哩汁尼點真係一流！
$25
1
另外又叫左呢個咖喱焗軟殼蟹，係老公至愛，軟殼蟹嘅份量係多既，又大大件，啖啖軟殼蟹嘅肉加埋勁香既咖哩汁，真係好好味，雖然有啲貴，但真係物有所值👍🏼
$158
The above review is the personal opinion of a user which does not represent OpenRice's point of view.
