無敵家 (Closed)

今晚同啲fd慶祝，梗係去啲高檔野la 其實留意左依間野好耐，見啲食評又好似幾好咁，就試下la~開頭見到個餐牌都有啲肉赤，心諗：高檔野果然係唔同啲！不果黎得慶祝就唔諗架la~先黎左個冷凍番茄同大根田舍煮（即係蘿蔔），個番茄配個日式麻汁真係好開胃，個蘿蔔就ok la;)我因為冇食lunch所以私自叫左個特製冷麵，聽講啲麵係用西米麵粉整wor~ (雖然我唔知係咩但係又真係彈口啲）我地跟住就叫啲燒物、炸物（雞翼之類）分黎食，叫左個燒牛利，仲要係厚切，啱晒我依個牛魔王;)佢有好多日本野都係我之前未試過，令我大開眼界;)淨係雞皮佢都可以攞黎包餃子同蝦卷，佢地即叫即炸，雖然係要等耐啲，但係熱辣辣咁食又真係好正;)後尾仲叫左最好食既免治雞肉軟骨棒同紅酒牛仔骨，佢個軟骨棒真係有軟骨lor，又大舊，勁有嚼頭我都未試過七成熟既牛仔骨，唔可以講話有紅酒味，因為我直程見到啲紅酒滲出黎，唔駛諗都知好juicy;) 酒不醉人人自醉，個晚咁high唔知關唔關啲牛仔骨事呢?;)