Chotto Maki (利源西街) (Closed)

上次食完又好想再食，原因好簡單，好食，又抵食。今次多d時間，同店主傾計。原來店主係加拿大温哥華返黎，話係個邊都係大大舊既sushi rolls，見到其實香港唔係無，但係貴，希望用合理既價錢同香港人分享。好有heart 丫今次揀既rolls全自選，但就要take away。炸蔥片照燒牛肉雞肉拼蘆筍青瓜絲玉子腐皮，自制醬汁黑松露蛋黃醬炸蔥片仲好脆又香口，照燒牛同雞同平時既takiyari都一樣有點醬汁既甜味，而玉子同腐皮又係甜甜地，令人食完一舊又一舊！自家醬汁同樣甜甜地帶小小辣，惹味開胃，而黑松露蛋黄醬更係充滿左黑松露既味（唔係廢話），唔係好假個d artificial既味道！總之就係食到停唔到口既卷物！櫻花蝦吞拿魚碎帶子拼蘿蔔苗蘆筍自製泡菜卷，蘋果啫喱櫻花蝦係我拎到返公司已經因為沾滿醬汁而淋左，好可惜丫吞拿魚同碎帶子都有蛋黄醬，雖然味道係豐富左，總係覺得無醬先食到其鮮味。蘆筍爽脆！蘿蔔苗都好新鮮！微辣既泡菜好香口，可以將吞拿魚既味道提鮮！好似加左鰻魚醬咁，有點甜甜既燒汁味PS 外賣盒好有心思，仲已經貼好左筷子同wasabi、豉油，趕既時間好快就攞得！