Video
Read full review
2017-11-14
1131 views
今日老媽罷工約左FD出去食, 所以孝女既我就同老豆好SWEET咁過二人世界, 老豆話想去打邊爐, 所以就去左荃灣好出名邊爐既大煲皇,上到去見到原來係有蒸氣鍋, 我地不約而同話不如轉食蒸海鮮一致拍板!計埋刺身可以有八款海鮮食, 幾豐富下, 另外肥牛, 手打丸果D係任食既我地就算得兩個人, 都唔會比將窄枱我地, 坐得好舒服, 另外, 炸三文魚骨好好味, 好食到想問佢扲多碟飲品-好多飲品選擇, 係以自助任飲方式去扲的刺身-係等待開餐既過程做咩好呢? 仲洗問? 梗係食啦, 我地就食左刺身啦, 其實平時我係火鍋店食刺身有少少驚唔新鮮, 但D度就完全冇D個問題, 因為蒸氣鍋係會送的頭盤黎, 確保貨如輪轉, 而且食落真係好新鮮, 三文魚係厚切的貨色, 口感, 魚味係大滿足, 而且仲有帶子, 八爪魚,北寄貝都係好鮮甜, 為蒸海鮮前打返個靚底先龍蝦- 好大隻下, 而且相信大煲皇係對龍蝦真係超熟識, 蒸到真係岩岩岩岩岩好, 少D時間就唔熟, 多少少已經係過熟, 係食物蒸煮既時間上係值得一讚, 龍蝦食落係鮮嫩的, 但又不失龍蝦既咬口感, 而且龍蝦膏係香口異常, 我覺得淨係龍蝦膏都夠我送飯食貝殼盛盆-分別係有
老豆話想去打邊爐, 所以就去左荃灣好出名邊爐既大煲皇,
上到去見到原來係有蒸氣鍋, 我地不約而同話不如轉食蒸海鮮
一致拍板!
計埋刺身可以有八款海鮮食, 幾豐富下, 另外肥牛, 手打丸果D係任食既
我地就算得兩個人, 都唔會比將窄枱我地, 坐得好舒服, 另外, 炸三文魚骨好好味, 好食到想問佢扲多碟
飲品-好多飲品選擇, 係以自助任飲方式去扲的
刺身-係等待開餐既過程做咩好呢? 仲洗問? 梗係食啦, 我地就食左刺身啦, 其實平時我係火鍋店食刺身有少少驚唔新鮮, 但D度就完全冇D個問題, 因為蒸氣鍋係會送的頭盤黎, 確保貨如輪轉, 而且食落真係好新鮮, 三文魚係厚切的貨色, 口感, 魚味係大滿足, 而且仲有帶子, 八爪魚,北寄貝都係好鮮甜, 為蒸海鮮前打返個靚底先
龍蝦- 好大隻下, 而且相信大煲皇係對龍蝦真係超熟識, 蒸到真係岩岩岩岩岩好, 少D時間就唔熟, 多少少已經係過熟, 係食物蒸煮既時間上係值得一讚, 龍蝦食落係鮮嫩的, 但又不失龍蝦既咬口感, 而且龍蝦膏係香口異常, 我覺得淨係龍蝦膏都夠我送飯食
貝殼盛盆-分別係有隻北寄貝仔同蜆, 北寄貝仔幾鮮甜下；而D蜆係隻隻開晒口的, 新鮮程度可見一班, 而且係冇沙的, 吐沙做得好好
蟶子皇- 係用蒜蓉粉絲既手法去蒸, 個蒜蓉係炒得好香, 但唔會整到死咸咁, 仲好食到大大隻既蟶子皇既鮮甜, 食得出係好彈牙, 夠爽口, 但要改善既地方係粉絲較為碎, 我個人鐘意冇咁碎的象拔蚌仔-都係用蒜蓉粉絲既手法處理, 象拔蚌既鮮甜係同蟶子皇係唔同的, 各有各優勝既地方
龍躉件- 每人係有兩件, 大大件, 魚味濃厚, 魚皮骨膠原重, 食完都覺得皮膚靚左, 鐘意魚皮有D彈牙但有少少痴口既感覺
鮑魚- 係用陳皮去蒸的, 鮑魚已經去晒內臟, 食果陣唔洗再諗點整走佢, 食得舒服, 而且鮑魚味濃, 切開少少令D陳皮味落左鮑魚到, 更帶出鮑魚的鮮味, 而且鮑魚唔靭, 上佳之作也
肥牛-肉同膏係7:3既比例, D個比例最食得出牛味同膏既香味混合而成的頂級滋味
蟲草雞-蒸完出黎既雞係好鮮嫩的, 而且蟲草味中和左雞既油膩感, 同埋我好欣賞D個既烏東底, 混合左雞油同蟲草味, 好好食, 如果唔係好飽我應該會再叫多份
粥底-落左唔少排骨, 榣柱, 再加上頭先所有食物既精華汁, 形成D個咁好食既粥, 個粥係綿既, 榣柱同頭先食物既汁令到個粥超甜, 好食到我其實已經好飽, 但我都食左三大碗
甜品-D間蒸氣鍋食完係會有雪條比你任食, 而且有我最愛的榴槤雪條, 大滿足
最後埋單HK$368位, 包埋茶芥, 加一, 醬油, 明碼實價, 食D個質素既食物黎講都算性價比高, 蒸完海鮮都覺自己會蒸蒸日上, 我地食完都唔敢同老媽子講我地食左D咩, 廢事佢羡慕啦, 到下次帶埋佢黎食先再招認我地食過一次
Post
