幸福班戟 (Closed)

好爽呀，竟然完全唔使排隊，仲要餐廳裏邊冇乜人，所以決定衝入去！提提大家，餐廳裏邊係有最低消費㗎，每人至少要叫一杯嘢飲，或者一個pancake！於是乎我哋order 杯香蕉牛奶，另一個就係店內主打，原味幸福pancake，pancake就算稍為攤凍左，依然係好鬆軟，入口係唔會有飽滯感，但係又唔係完全空氣pancake喎，所以好滿足!但提提大家，楓糖就唔好落太多啦，如果落得太多，就會搶咗pancake嗰啲奶油味，不過去過楓糖都係好好味嘅，似加拿大個種，有別於出邊一啲cheap cheap野！至於香蕉牛奶，如果香蕉味再可以多多少少，會更加係我鍾意嘅口味，不過不失！