Video
Read full review
2025-08-04
567 views
網上彈咗連續四日七折優惠、即刻訂枱食星期日夜晚時段4:30開始。去到午市啲人都未走，明明食評有泰式豬牛雞串燒但係佢話新Menu已經冇咗 ⋯ 煲仔飯手撕雞同埋雞煲都係已經走入歷史如果為咗呢啲嘢就唔使去。冇所謂啦照入去食、優點係三個人都可以一人一鍋即係三個湯底。泰式冬陰功同埋泰式椰汁雞湯都算係比較特別、豬骨湯就好似出前一丁味，叫咗個C餐其實啲肉都OK靚仔。不過出邊啲熟食真係出晒事、可能太早入座除咗隻海南雞係全份放咗喺度。其他熟食基本上係餸頭餸尾、仲要差唔多係六點先開始整出嚟 ⋯ 眼見有菠蘿炒飯、泰式咖喱（點知係魚蛋）同埋另一個見到都唔知係乜嘢嘅熱食。出面啲丸類有啲唔係太新鮮、菜就應該冇乜洗過特別係西洋菜勁多騎哪！飲品就做到足除咗罐裝亦都有泰式奶茶嘅 ⋯ QR code 落單嚟到啲小食全部都孜然味重，完全係大陸 feel 零泰國味道。甜品生果大約五點半先開始擺盤算係最好食嘅、泰式沙律鳳爪嗰啲就非常辣。終於有返啲泰國嘅感覺！最後講埋任撈海鮮、佢唔係大頭蝦而係平時街市嗰啲草蝦同埋蜆，初時落單的鮑魚全部都應該係雪藏貨完全食唔落。好慶幸係七折嚟食否則一定覺得唔抵！環境舒服好坐嘅因為佢完全唔會爆場、應
冇所謂啦照入去食、優點係三個人都可以一人一鍋即係三個湯底。泰式冬陰功同埋泰式椰汁雞湯都算係比較特別、豬骨湯就好似出前一丁味，叫咗個C餐其實啲肉都OK靚仔。
不過出邊啲熟食真係出晒事、可能太早入座除咗隻海南雞係全份放咗喺度。其他熟食基本上係餸頭餸尾、仲要差唔多係六點先開始整出嚟 ⋯ 眼見有菠蘿炒飯、泰式咖喱（點知係魚蛋）同埋另一個見到都唔知係乜嘢嘅熱食。
出面啲丸類有啲唔係太新鮮、菜就應該冇乜洗過特別係西洋菜勁多騎哪！飲品就做到足除咗罐裝亦都有泰式奶茶嘅 ⋯ QR code 落單嚟到啲小食全部都孜然味重，完全係大陸 feel 零泰國味道。
甜品生果大約五點半先開始擺盤算係最好食嘅、泰式沙律鳳爪嗰啲就非常辣。終於有返啲泰國嘅感覺！最後講埋任撈海鮮、佢唔係大頭蝦而係平時街市嗰啲草蝦同埋蜆，初時落單的鮑魚全部都應該係雪藏貨完全食唔落。
好慶幸係七折嚟食否則一定覺得唔抵！環境舒服好坐嘅因為佢完全唔會爆場、應該係亞太中心星期日唯一一間半場都唔滿嘅餐廳。
Post
