Video
Read full review
2021-05-05
56 views
疫情之後冇得去旅行，咁啱見到朗豪坊開咗燈籠滷味，啱啱開張冇耐，有勁多人排隊，所以放工嗱嗱林就去咗試。當係自己去咗台灣夜市😂平時都寫開高級西餐廳食評，得閒試吓呢啲貼地嘅未食都唔錯啊😌六點幾去到排隊，大概等咗10分鐘就有得入去啦，唔算好耐。但如果在夜啲嘅話應該要等好鬼死耐。所以建議大家早到就早啲去啦。兩個人食，入邊啲枱都幾迫下，不過快食就冇乜所謂。建議大家喺等位嘅時候可以揀定嘢食，咁唔使咁悶吖嘛。鹽酥雞&蘋果梳打鹽酥雞好食，有肉得來炸粉又唔會太厚太乾太柴。比起對面嗰間集團式台灣集團餐廳好食😋而且份量都唔少啊~ 蘋果梳打就唔算好甜，雖然果汁含量都唔高，但係起碼都唔算好肥，係街上面比較少呢一種嘢飲。加上包裝咁復古咁特別絕對可以試吓～自選滷水麵+餸 version 1我都唔知點解自己好似食緊車仔麵咁😂送我揀咗雞翼，蘿蔔，花枝丸，同埋豬大腸，走酸菜走蔥🤣雞翼唔夠入味，豬腸蘿蔔就正常，花枝丸我就食唔出同出面買既有咩分別。但係我真係好後悔揀左王子麵，基本上係台灣版既公仔麵黎😟早知食米線算，唔中意食呢種加工麵既人千祈唔好揀。至於正常冇走青走酸菜既麵應該係咁既樣既😂有返啲特色。呢碗餸就揀左蜂巢豆腐，貢丸，
平時都寫開高級西餐廳食評，得閒試吓呢啲貼地嘅未食都唔錯啊😌
六點幾去到排隊，大概等咗10分鐘就有得入去啦，唔算好耐。但如果在夜啲嘅話應該要等好鬼死耐。所以建議大家早到就早啲去啦。
兩個人食，入邊啲枱都幾迫下，不過快食就冇乜所謂。建議大家喺等位嘅時候可以揀定嘢食，咁唔使咁悶吖嘛。
鹽酥雞&蘋果梳打
鹽酥雞好食，有肉得來炸粉又唔會太厚太乾太柴。比起對面嗰間集團式台灣集團餐廳好食😋而且份量都唔少啊~ 蘋果梳打就唔算好甜，雖然果汁含量都唔高，但係起碼都唔算好肥，係街上面比較少呢一種嘢飲。加上包裝咁復古咁特別絕對可以試吓～
鹽酥雞
9 views
0 likes
0 comments
自選滷水麵+餸 version 1
我都唔知點解自己好似食緊車仔麵咁😂送我揀咗雞翼，蘿蔔，花枝丸，同埋豬大腸，走酸菜走蔥🤣雞翼唔夠入味，豬腸蘿蔔就正常，花枝丸我就食唔出同出面買既有咩分別。但係我真係好後悔揀左王子麵，基本上係台灣版既公仔麵黎😟早知食米線算，唔中意食呢種加工麵既人千祈唔好揀。
至於正常冇走青走酸菜既麵應該係咁既樣既😂有返啲特色。呢碗餸就揀左蜂巢豆腐，貢丸，通菜同咀邊肉。都係冇覺得邊個餸特別好食😗中規中矩啦。但有樣野必須投訴既係其實係台灣食麵的話，個麵應該係乾撈既，但佢來左香港之後唔知係唔係為左迎合香港人中意湯麵既口味而變左一個有”湯底”既麵🤔但佢啲”湯”就得一半左右，飲落去又唔係好咸，但又唔係好好飲咁。呢個滷水汁就有啲唔嗲唔吊既感覺🤔🤔可能係我孤陋寡聞啦😂但如果係鐘情湯底既人，就會失望啦~
總體來講，我都可能會再食呢間餐廳，不過係純粹想試下蛋餅，滷肉飯同其他小食。不過暫時都係覺得呢間餐廳都未必值得排太耐排去食😙
Post
