每次嚟到呢頭做野都唔憂食！
因為真係多選擇到你唔知點揀囉⋯⋯（R頭）
我原先由寶琳站落車過對面就見到有間食海南雞飯架專門店，此時我又餓又急，想去洗手間方個便！
我原先都坐下來，誰不知我問店員可否先借個廁所一用，佢話無，要去返商場....
下，咁我唯有先搵廁所啦，佢又無指明方向點知都幾遠，我就把心一還，去做野附近找廁所加搵食啦。
走到慧安園附近，其實呢邊商場真係好舊好需要翻新，我終於方便完，就搵食，點知我又見有海南雞飯食
頭先果間標明基本果份海南雞飯$70
而喺我眼前的餐牌寫上海南雞飯$50
嘩！
由於時間關係又方便，我即管入去一試，呢個價錢你都唔會抱任何期望架啦。
我坐低忘記自己一直塞住耳仔聽歌，有店員嚟問餐時我都無圍意，我「吓」左兩次，先醒起，真係好唔好意思，但店員都笑面迎人好有禮，俾著我係店員我可能內心吊左對方十次
（講笑講笑）
海南雞飯$50包括：（湯+海南雞飯+飲品）
湯有分中湯或西湯
先上湯，我見到碗湯我真係感到好驚訝！
大大碗十分足料
隨後上主菜，海南雞（髀）飯，係雞髀呀！
樣樣都好足料連碗油飯都要咁大碗，全部有圖有真相
最後嚟埋杯咖啡就係完美架總結，一個字「滑」兩個字先啱「香、滑」
我幫襯完之後除左忍唔住要上OpenRice 寫食評表揚一下小店架用心、態度同埋食物質素！
我見到班同事朋友時都即刻叫佢地幫襯，好野緊係要同人分享啦，祝雅涴
生意興隆！
總結：
如果大家想食啲快靚正平，係佢喇！
但如果係食環境同舒服就係無分架喇🤪
