Fisherman

經過巴士總站附近見到呢間新開嘅食店，主打嘅係花膠，價錢又唔貴，咁吸引，梗係要去試下啦。$38有花膠湯麵你食，咁滋補嘅食物又真係好難唔心動嘅。
一上枱，賣相都幾驚喜，花膠都幾多下。冬菇好厚肉，炆得好淋好入味，而且仲有幾條菜，感覺都算健康。

清清地嘅湯麵，好足料。

$38

另一款係花膠蠔汁撈麵，今次揀左粗麵，感覺一樣咁足料，都係有菜有花膠冬菇。蠔汁撈麵比湯麵濃味，兩種食法各有特色。睇下你個人口味係濃味定係清淡，我就覺得湯麵清清定岩我多d。

好足料，花膠係主角，側邊嘅冬菇都好好食。

$48

另外再外加一碟郊外油菜，份量都唔細，而且蠔油係分開上唔係倒喺菜上面，都算幾細心。

郊外油菜

$17

佢仲有甜品同埋碗仔翅，不過食完個麵已經好飽，下次經過要試埋其他野先得。