嘆番碗 車仔麵 (Closed)

月事不適肚子冷冰冰，本身想去另一間食碗辣面暖肚。 但無想食既野....就開openrice搵附近餐廳。就見到「嘆番碗」，醒起上次無食到佢既限定湯底。又咁近（之後要買餸）就去一去。 果然有驚喜。下午茶餐有車仔面，梗係叫佢既限定龍蝦湯試試。 老實說：食車仔面的鋪頭多數都係「嘈」「燥」「趕」，想休息既我都有一秒擔心。 但伙計姐姐好窩心，我問下午茶同車仔面餐單有乜分別，佢都好溫柔答我。 環境可能下午茶時間，歌聲無過大好舒服，完全清掉「嘈、燥、趕」之感。值得一讚。 講翻碗面，我叫牛筋腩蘿蔔油面配龍蝦湯，起初以為湯底係橙色典型樣。黎到又唔係喎。 但好夠熱，岩我正要熱食既體質。 第一口試湯底，喂！好野，清甜，但口感少少厚身，有蝦味感覺好溫暖。讚！ 餸： 牛筋整體夠冧，不會有啲硬有啲過龍溶晒。 面： 油面配落個湯到好正，油面個質地同湯個厚厚地質感一齊入口，好舒服。 加埋成碗野夠熱。食完係好有滿意感的車仔面。 即刻治癒左我有點虛弱的body.