越男仔 (Closed)

琴晚試吓新嘢，服務好好，味道一般，不過就好多花款，粉嘅湯係微熱，炸嘢就係新鮮炸，蝦多士都幾好食，豬頸肉就好似炸乾咗咁，行返屋企大概要15分鐘嘅路程，行到一半已經要搵廁所，以為係因為飲咗杯士多啤梨奶問題，點知老公返到屋企都屙到七彩（佢冇飲我杯奶），結果我哋兩個返屋企都仲要爭廁所，不過應該屙唔清，個肚都唔係咁舒服，今朝已經特登食白粥，一有嘢落肚，再屙😭本身送咗coupon諗住下次再去用，已經即刻掉咗啲優惠券去🫠Ps：老公放工先會合我食飯，全日剩係得晚餐係一齊食，佢冇飲杯奶，我都冇食佢嗰啲生牛肉，真係唔知邊度出咗事