Video
Read full review
2021-01-06
45 views
聽朋友介紹荔枝角有間關東煮外賣專門店喺工廠大廈入面，叫「Kotori_lbird」，由日本人主理，同我地一般食開嘅關東煮唔同，叫我一定要試下。聽佢講到咁就一於試下啦！對關東煮嘅印象都係獅子狗、魚片頭果d。但幫襯完呢間食店之後，令我對關東煮完全改觀！原來關東煮有好多餸架！最特別係有牛腸同埋薯仔，重有八爪魚添呀！估唔到關東煮都有Omakase啊(i.e.廚師發辦)！好新奇！因為係廚師發辦，所以我都唔知會食咩，咁樣令我食嘅時候充滿驚喜🤩，幾好！😆廚師發辦有4個小食同埋1個飯，重送2件炸雞柳($20/2條)。咁多野食都係$55咋！好抵呀！呢個價錢係新開張優惠，想試就要快啦！呢度嘅關東煮同一般食開嘅唔同，湯底呈黑色，隻色有d似薑醋。咁深色係因為加左醬油。小食索晒d醬油，夠晒入味。同朋友各自嗌左一個廚師發辦關東煮。其中有幾種小食覺得幾好味，想分享下。水煮蛋蛋黃好香，而且口感綿密。外層蛋白唔會硬，重好軟腍。日本黑魔芋彈牙唔鯹白蘿蔔好大嚿，呈圓形，已預先平均切成4份，方便食客進食，讚！👍🏻 白蘿蔔夠腍鮮甜冇渣。雞軟骨丸丸包住d雞軟骨碎，軟嘅丸同脆嘅雞軟骨形成特別口感。最特別係「水煮山菜牛腸」。山菜(S
對關東煮嘅印象都係獅子狗、魚片頭果d。但幫襯完呢間食店之後，令我對關東煮完全改觀！
原來關東煮有好多餸架！最特別係有牛腸同埋薯仔，重有八爪魚添呀！
估唔到關東煮都有Omakase啊(i.e.廚師發辦)！好新奇！因為係廚師發辦，所以我都唔知會食咩，咁樣令我食嘅時候充滿驚喜🤩，幾好！😆
廚師發辦有4個小食同埋1個飯，重送2件炸雞柳($20/2條)。咁多野食都係$55咋！好抵呀！呢個價錢係新開張優惠，想試就要快啦！
呢度嘅關東煮同一般食開嘅唔同，湯底呈黑色，隻色有d似薑醋。咁深色係因為加左醬油。小食索晒d醬油，夠晒入味。
同朋友各自嗌左一個廚師發辦關東煮。其中有幾種小食覺得幾好味，想分享下。
水煮蛋
蛋黃好香，而且口感綿密。外層蛋白唔會硬，重好軟腍。
日本黑魔芋
彈牙唔鯹
白蘿蔔
好大嚿，呈圓形，已預先平均切成4份，方便食客進食，讚！👍🏻 白蘿蔔夠腍鮮甜冇渣。
雞軟骨丸
丸包住d雞軟骨碎，軟嘅丸同脆嘅雞軟骨形成特別口感。
最特別係「水煮山菜牛腸」。
山菜(Sansai)係山上的野生蔬菜。其中一款山菜有蕨菜，蕨菜爽脆。牛腸唔會臭，有咬口。
十五穀飯
集齊穀物同豆嘅好處，係你嘅健康之選！飯因為有穀物，食落口感煙韌，加上蘿蔔絲、薯仔絲同魷魚絲，口感豐富。
另外送炸雞柳條兩件。
外層炸粉唔會太厚，食落唔油膩。雖然係外賣，冇即時食，但因為啱啱炸起，隔住個外賣袋都聞到好香！
Post
