Video
Read full review
2019-12-01
685 views
早排由於市面交通比較麻煩，所以都冇乜去旺角，早兩日因為要去旺角攞禮物，所以順便食埋個晚飯先走。由於最近好想食重慶火鍋，所以今次就揀咗間食火鍋嘅餐廳，叫做快樂小羊。呢間餐廳比我想像中大好多，因為足足有兩層，其實計埋地面有三層添。由於位置好大，所以佢嘅座位亦都係非常之闊落，我哋兩個人差唔多坐喺一張六人嘅位置，十分舒服。首先揀個湯底先，湯底選擇都幾多，食重慶火鍋，當然唔可以唔揀一個辣嘅火鍋啦，除此之外佢可以俾我哋雙拼，由於我哋都擔心佢個重慶火鍋會好辣，所以穩陣起計都係揀一個清湯。佢哋招牌嘅成雙鍋就係我哋嘅選擇啦。唔知係咪我食慣內地嘅麻辣火鍋，其實我覺得今次呢個辣火鍋嘅難度唔係好勁，可以話只係小辣，但呢個都切合到香港人嘅口味，因爲我相信香港人都唔會話想食好辣，所以對於開辣嘅我嚟講，唎個係中間偏小嘅辣，都辣得過癮嘅。食物方面，既然呢度係食羊嘅，我哋當然叫咗一盤招牌羊肉啦，羊肉分量真係好大盤，基本上兩個人叫一盤都夠曬，而且呢個招牌羊肉肥瘦適中，你就噉望埋去都唔係好過肥肉。食落口肉質好鮮嫩，而且好夠騷味，完全唔需要額外嘅調味料。黃金包。上菜嘅時候都叫我哋趁熱食。原來真係剛剛炸起，麵包上面嘅芝麻粒係脆
早排由於市面交通比較麻煩，所以都冇乜去旺角，早兩日因為要去旺角攞禮物，所以順便食埋個晚飯先走。由於最近好想食重慶火鍋，所以今次就揀咗間食火鍋嘅餐廳，叫做快樂小羊。
呢間餐廳比我想像中大好多，因為足足有兩層，其實計埋地面有三層添。由於位置好大，所以佢嘅座位亦都係非常之闊落，我哋兩個人差唔多坐喺一張六人嘅位置，十分舒服。
首先揀個湯底先，湯底選擇都幾多，食重慶火鍋，當然唔可以唔揀一個辣嘅火鍋啦，除此之外佢可以俾我哋雙拼，由於我哋都擔心佢個重慶火鍋會好辣，所以穩陣起計都係揀一個清湯。佢哋招牌嘅成雙鍋就係我哋嘅選擇啦。
唔知係咪我食慣內地嘅麻辣火鍋，其實我覺得今次呢個辣火鍋嘅難度唔係好勁，可以話只係小辣，但呢個都切合到香港人嘅口味，因爲我相信香港人都唔會話想食好辣，所以對於開辣嘅我嚟講，唎個係中間偏小嘅辣，都辣得過癮嘅。
食物方面，既然呢度係食羊嘅，我哋當然叫咗一盤招牌羊肉啦，羊肉分量真係好大盤，基本上兩個人叫一盤都夠曬，而且呢個招牌羊肉肥瘦適中，你就噉望埋去都唔係好過肥肉。食落口肉質好鮮嫩，而且好夠騷味，完全唔需要額外嘅調味料。
黃金包。
上菜嘅時候都叫我哋趁熱食。原來真係剛剛炸起，麵包上面嘅芝麻粒係脆卜卜，加上中間有鹹鹹地嘅蔥花餡，加埋嚟食真係唔錯噶。
爆醬三寶。
呢個三寶餃子都幾有gimmick，有一個係香濃嘅羊肉餃，仲有一個最特別嘅係有wasabi喺入邊，辣得相當過癮。
鬼馬墨魚滑。
呢個亦都係特別嘅菜式之一，油炸鬼混合咗墨魚滑，上面再加有蟹籽，食落都幾有層次。
生菜，豆腐，午餐肉。
呢啲都係一般打邊爐會食嘅嘢，水準亦都係正常，呢度好就好在可以叫半份，啱曬兩個人嚟嘅朋友。生菜就最好配上清湯，食落好清甜。
總結，呢度嘅羊肉都真係好鮮嫩，而且湯底非常入味，唔需要調味料，加上座位寬敞輸的，建議大家嚟試下。
Post
