幸福鳥 (K11購物藝術館)

Open Now

Now Closed

今次星期日午市光顧，即使係假日，都有午市套餐，價錢以尖沙咀區而言，尚算合理 。首先介紹係主打嘅串燒定食（$198），定食總共有七款串燒，有各種肉、秋葵、菇，都燒得好惹味 。點串燒要等候耐一啲，因為即叫即燒。另一個定食係壽喜燒（$158），可以揀豚肉或者牛肉，個鍋入邊有菜有肉有蛋，非常豐富 。所有定食都配溫泉蛋，但唔想食生雞蛋可以要求佢轉玉子燒 。最後一個定食係鱈魚西京燒（$198） ，鱈魚燒嘅汁甜甜地，配一大堆沙律菜，適合唔想食咁多肉食得太飽嘅朋友。定食仲可以加$28轉稻庭烏冬。值得一讚係服務態度非常好，有禮貌之餘，仲好關心客人需要。