Med Chef (Closed)

之前有排訓得好差，上網搵過大麻素可以幫助睡眠同減輕壓力之類，一直都想試，所以就二話不說試下呢間餐廳。一開始仲驚上癮定好大陣味，但其實係0味道，不過個晚又真係幾好訓。叫左個柚子漬三文魚半熟吞拿魚赤身珍珠飯，成件事好豐富，咩都有，份量都好多，甚至食材比飯更多，啡色個d係羽衣甘藍菜，口感好特別，有d似薯仔，出面未食過，而呑拿魚上面既汁係印度醬，少少少辣，好開胃！超推薦！跟住帶子蟹肉牛油果他他配薑油黑醋，呢道菜我覺得單食都好好食，反而我麻麻配麵包，佢係牛油果打成蓉，唔係牛油果醬，連埋黑醋食，感覺好清新，仲食到一絲絲帶子同蟹肉。至於黑松露牛油雜菇炒洋意米，口感有d似不時d意大利飯，不過更有咬口，有點煙un,我好中意啊！上面有d炸蓮藕同炸羽衣甘藍球，加埋好多雜菇，賣相係好好，但食落去有80分！最後叫左杯cocktail-tiramisu,完全係Triramisu 液體版，好濃，都重酒味，飲完有點食完甜品既感覺，可以一試。