龍鳳號 (Closed)

今日嚟係想同朋友回味下台灣嘅味道。叫咗個鹽酥雞排配肉燥飯，肉燥飯味道濃郁，佢唔係一舊舊腩肉個種，係肉碎肉粒個種，入口完全不油膩，份量夠曬撈一碗飯。鹽酥雞排岩岩炸起好熱辣辣，外皮好脆好香口，雞排肉好嫩好滑好多汁，雖佢係炸物但係無油膩感，仲好想不停將雞排塞入口。一定要推介依個豬氣管，首先佢嘅醬汁係鹹鹹甜甜嘅，豬氣管好脆好爽口，有啲似豬耳但比豬耳更脆口，依款小食會令人食唔停口。豆腐花佢唔係屬於好滑個種，佢係比較挺身而且綿密個種，豆香味好濃，加上不會太甜膩的黑糖。最後兩款飲品作為結尾，個樽好靚。