Ajisen Ramen (Tuen Mun Heung Sze Wui Road) (Closed)

有人無啦啦話想食拉麵，跟住見到味千拉麵，所以入咗去食。

我地2個人分別叫咗個[叉燒味千拉麵加底($15)] 同埋[豬軟骨拉麵]，仲叫多咗份餃子。

[叉燒味千拉麵] 叉燒好薄，好刀功。我都知無得同出名嘅拉麵店比，叉燒都還可以，合格啦，半肥瘦，係真係太薄，食完都唔過癮😢不過外貌唔討好🙈

叉燒拉麵

不過加底個拉麵，好大浸鹼水味😣同埋佢加底個麵係另上，好乾😣

最正常係隻糖心蛋(完整一隻)，個糖心做得唔錯。

[豬軟骨拉麵] 豬軟骨幾好食，好淋身(我本身鍾意淋身)亦好入味，不過因為價錢所以得2舊。

跟住仲有糖心蛋，不過明明豬軟骨拉麵貴過叉燒拉麵，點解豬軟骨拉麵得半隻糖心蛋，叉燒拉麵有一隻?? 令人失望😕

豬軟骨拉麵

餃子一份5隻，唔係熱，只係微暖。而且個味好奇怪，唔好食。

總結，其實當時唔多人，但唔知點解啲野食都係唔熱，只可以話係暖。