番茄師兄 (Closed)

今次已經係第三次食，終於忍唔住要讚。地點係深水埗，行完西九龍中心之後去食都好方便，幾容易搵得到。平日晚餐時段都有唔少人排隊，好彩等咗三個字就有位。芝see菇牛蕃茄好濃好香，拉麵爽口彈牙，一碗已經好飽肚。真心推介加5蚊炒滑蛋，好香好滑會將個面推上另一個層次，撈埋一齊食口感豐富。另外一碗叫左滑一滑配烏冬，同樣都好正。另外加左個牛油炒雞髀菇都好香好入味非常新鮮。紫菜墨魚丸非常彈牙好食，可以體驗一下。跟餐加左樽凍桂圓紅棗桑寄生茶，冇一般飲品咁甜，飲開甜啲嘅可能會唔慣，非常適合追求健康嘅朋友。