好想食馬拉盞炒通菜，味道唔錯！唔會太咸，通菜都夠嫩夠新鮮！
午餐揀咗佢招牌冬蔭湯底豬手金邊粉，果然招牌有保證，湯底好有椰汁香，又唔太辣！正！湯都飲哂！
豬手燘得夠lum，好有骨膠原彈彈！到我至愛泰式無骨鳳爪，夠入味，最有驚喜係啲配菜，好新鮮好fresh，啱哂我！
雖然減肥中，但都忍唔住食埋甜品先覺完滿，椰汁糕夠香唔太甜.....
真心支持小店，雖然逆市下開店，仍然有好多款式揀，而且價錢抵份量足！店員仲話原來廚房全部係泰國師傅主理！唔怪之得咁地道啦！
一路食，一路不停聽見個個都外賣海南雞飯，下次都等我試下先！
啊~~真係令人好掛住泰國嘅美食呀~~~
