SLOW COW

今日去咗銅鑼灣希慎廣場Basement嗰間 Slowcow，叫咗佢哋最基本嘅安格斯牛肉飯。本來以為餐牌上面啲相見到有蛋黃，以為係包含係入面，點知原來仲要 +$6 先有。最後總共 $94，仲要係淨嘢食，連飲品都冇。


講真，碗飯擺盤係好睇嘅，味道都算唔錯。但問題係 份量極度迷你。
牛肉薄到見光，下面嘅白飯更加係少到你會懷疑人生。呢碗嘢完全唔係 lunch size，最多只可以叫做「下午茶小食」級別。

而家打返呢篇文，已經返咗公司坐低，但個胃仲係痾痾聲叫緊，成個人完全未飽過。
變相我仲要再出去買多一餐先頂得住返工，真係食少咗、俾多咗，仲要肚餓返去做嘢。


















總結：味道唔差，但份量同價錢真係唔 match。呢個 lunch 係食咗等於冇食。