一入門 ， 有位女侍應帶外面2個極窄的露天座位，我們隨身物品多，所以提出要卡位，但最入面卡位，但只有一張椅，問女侍應拿多一張，竟然好耐煩回應： 「所有櫈搬曬入去餐廳裡面，呢度只有一人座。
」最後好唔順氣咁在餐廳內搬一張櫈出來給我們一人座的卡位。
2）食物上菜極慢
點份下午茶餐 ， 差不多等左15-20分鐘，跟住問其中一名女侍應，幫忙跟跟份餐，轉頭不用一分鐘，兩份茶餐即刻上枱。但竟然份餐是凍左，薯條凍冰冰，一大浸雪味⋯⋯ 為左蓋過雪味，問侍應拎左支茄汁，一開蓋嚇死人⋯ 個樽口一大堆黑色茄汁，蓋都黏著曬，好嘔心😵💫
3）食物冰凍
薯條一上枱 完全凍冰冰，一大浸雪味；奶油脆豬 個包是軟林林，奶油得一滴，完全9唔搭8 ⋯ 食個下午茶餐等咁耐，結果樣樣食物上枱果陣好似擺左200年咁，好恐怖
。
4）某女侍應態度惡劣
問其中一位女侍應可否提供一杯水，佢突然間大大聲：「水治住架」我地「下？ 」
佢再講清楚：「自己出去斟」（哦 原來是自助⋯）😳 但呢位侍應好似食左炸藥咁，大大聲喝我地咁。
阿姐，我地唔係街坊，問一句好正常嘛
（可能你一日答左200次，汗）
5） 咖啡即沖粉
跟餐點左杯熱咖啡，又是等左20分鐘，上枱時是膠杯⋯⋯ 嚇一嚇以為落錯單，寫錯凍咖啡。 飲一啖杯熱咖啡，媽啊災難級，
難飲到飲唔落口，好似沖稀左的咖啡粉水⋯ 可以全杯報銷…
一邊「享受緊」永勝冰室的美食，一邊上openrice睇其他人俾的食評，無言⋯ 咁都中伏，6-7 個喊😭⋯ 全部都是表揚呢間餐廳上菜速度極慢，食物質素惡劣，侍應態度很差⋯⋯⋯
