Video
Read full review
2011-04-07
16 views
這是一個欺騙的行為 , 我認為呢間野有心用團購名義去呃各大眾市民 , 令大眾市民失去對團購的信心 , 而且呢間係按住良心去做生意。真係嬲到要打個食評 !!!!!!作為拿了台灣署名【乾杯】名字作招牌去吸引消費者 , 不旦冇做好【台灣乾杯】的名氣 , 相反係影衰【台灣乾杯】的名字。首先昨天一同十多名朋友去呢到食野 , 首先唔講食物 , 講下啲態度已經有問題 , 我哋一同13人 , 但係個職員話唔可以一齊坐 , 問佢點解 , 佢九唔答八咁話 : 「因為要分開坐。」 而且態度惡劣 , 對住啲客黑面 , 跟住個老闆重要好似好唔耐煩咁話 : 「我地會幫你安排位置」 結果到最後都係要分開坐 然後身為一間串燒店 , 做的係放題 , 唔係自助餐 , 叫啲客自己出去拿碟拿筷子跟住排隊咁去拿食物 , 自己拿嘢飲。 =口=""當日有 : 沙津 x 3 ( 中華沙津 , 椰菜蟹子 , 唔知乜野拍青瓜)冷盤 x 1 (薑皮蛋)一堆熱食 ( 雞翼 , 燒年糕 , 司華力腸 , 牛舌 , 芝士丸 , 餃子 , 雞扒 , 雞軟骨 , 墨魚嘴 , 金菇 , 菜心 , 豬頸肉 , 西蘭花 , 小蕃茄….. ) 【我自
真係嬲到要打個食評 !!!!!!
作為拿了台灣署名【乾杯】名字作招牌去吸引消費者 , 不旦冇做好【台灣乾杯】的名氣 , 相反係影衰【台灣乾杯】的名字。
首先昨天一同十多名朋友去呢到食野 , 首先唔講食物 , 講下啲態度已經有問題 , 我哋一同13人 , 但係個職員話唔可以一齊坐 , 問佢點解 , 佢九唔答八咁話 : 「因為要分開坐。」
而且態度惡劣 , 對住啲客黑面 , 跟住個老闆重要好似好唔耐煩咁話 : 「我地會幫你安排位置」
結果到最後都係要分開坐
然後身為一間串燒店 , 做的係放題 , 唔係自助餐 , 叫啲客自己出去拿碟拿筷子跟住排隊咁去拿食物 , 自己拿嘢飲。 =口=""
當日有 :
沙津 x 3 ( 中華沙津 , 椰菜蟹子 , 唔知乜野拍青瓜)
冷盤 x 1 (薑皮蛋)
一堆熱食 ( 雞翼 , 燒年糕 , 司華力腸 , 牛舌 , 芝士丸 , 餃子 , 雞扒 , 雞軟骨 , 墨魚嘴 , 金菇 , 菜心 , 豬頸肉 , 西蘭花 , 小蕃茄….. ) 【我自己見的就有以上】
指定燒物 ( 大蝦 , 蠔 , 扇貝 , 牛肉)
飲品 : 汽水
由沙津講起 , 除左那個來自購貨的中華沙津是食得落肚外 , 個椰菜蟹子有就多水多沙津醬 , 你食落肚係覺得你係吃沙津醬多過食椰菜蟹子 , 跟住個個青瓜更加唔知係咩來 , 食落係辣 , 咩味都冇 ….
冷盤其實係一盤日本薑加皮蛋 , 其實大家望落下已經個樣唔得 , 但係因為佢咁簡單都唔會難食得去邊 , 點知一食皮蛋 , 係難以入口 , 真係咁大個人未食過咁難食既皮蛋 , 我有啲懷疑隻皮蛋都唔知係唔係壞
跟住到個埋熱食 , 相信大家如果都是團購的朋友都會知道大家是比多少价錢去食呢一餐 , 但係价錢同食物係不相乎 , 唔係要好明貴既嘢食 , 但係用個咁既价錢可以向mk其旦一間放題店食到好啲既食物 , 首先佢唔熱 , 叫啲客叫啲凍冰冰的食物已經有問題 , 唔熱都算 , 重要係調味古古怪怪 , 昨天就吃了所謂燒菜心 , 不但老 , 而且又多油 , 最重要係食菜心有胡椒味 , 真係前所未有既新潮調味
雞扒 :冇味 , 得外面係有燒汁 , 內裡係冇調味過就去煎
芝士年糕 : 都唔知咩垃圾食物 , 只係燒焦面頭啲芝士 , 年糕凍冰冰外重要好似食緊香口膠咁 , 又係冇味
燒芝士丸 : 普通到唔可以再普通 , 所以冇咩野講 , 但係食放題唔會有呢啲野食啊
金菇 : 又係有胡椒味 , 不過都可以食到有少少牛油味 , 叫做可以入口
西蘭花 , 小番茄 : 前者就咁煮 , 冇味 , 後者冇食 , 但朋友個樣話我知係好難食
餃子 : 全場做得最好的熱食 , 因為係熱之外重要脆
司華力腸 : 不得自評 , 唔係差 , 都係個句 : 食放題唔會有呢啲野食啊
雞軟骨 : 一陣蒜蓉油味 , 係油味 , 唔知之前係煮過啲咩再炸 , 細粒 , 多油 , 凍 , 未試過雞軟骨可以咁難食
墨魚嘴 : 超腥 , 真係腥到爆 , 都係個句 , 凍
雞翼 : 都係全場熱食可以入口
豬頸肉 : 正確其實係 【豬焦肉】, 因為我見到係煎焦了。
講完一堆熱食 , 大家都會覺得唔想去
不過好戲在後頭 , 就係佢地的指定燒物 , 牛肉我唔清楚咩味道 , 因為本人不食牛 , 但朋友說叫可以入口
蠔及扇貝 : 一堆蒜蓉 , 又油 , 食落口就只係食到蒜蓉味 , 如果係新鮮根本唔需要咁多蒜蓉 , 分明就係啲野唔新鮮 , 另外就係昨天食扇貝時發現 , 扇貝向個殼到好容易滑來滑去 , 正常食扇貝應該會有一粒好小的肉貼在扇貝上 (我唔係好識表達) , 但昨天個個扇貝冇 , 我懷疑扇貝唔係原裝扇貝 , 只係用啲急凍大帶子放在扇貝殼上 , 然後用蒜蓉去除個陣雪味
大蝦 : 六個字 , 聞好香 , 食冇味
身為燒物店 , 以上燒物係叫唔得啊! 如果係昨晚的晚餐 , 大蝦叫燒物來說係最好
然後一間再差的食店 , 差到唔會連嘢飲都差 , 但呢間正正是一間咁既鋪頭 , 已經唔係要你沖咩特飲 , 只係一杯好簡單的汽水 , 都可以做到咁差 , 昨天飲既唔係汽水 , 係有氣既的水同埋如果飲水/茶 , 你會聞到個杯有一陣汽水味…..(=口=)
那麼身為消費者冇辦法可以條氣好順咁拿錢出來 , 最後重要收我哋正价加一服務費 , 一晚食咗一餐唔好食同一肚氣的晚餐 , 用個咁既价錢 , 我可以在mk可以吃得好好 , 同好飽 , 至少唔會吃到一肚氣先
最後我覺得比人呃左 , 但因為係個朋友一心一意搞 , 所以最後冇出聲 , 但我覺得作為生意人唔可以因為你比個价錢好平就比啲咁既嘢同咁既服務態度比啲客 , 唔係要你好好食 , 但至少唔係比啲難食同垃圾比啲客食 , 叫啲人點會再返來幫襯你同埋會同人講間野有啲咩野食係好吃啊!
最後我寫下心聲 :
團購原來係陰謀
市民以為好著數
點知原來食垃圾
食完重要收加一
無奈比錢谷氣走
Post