Video
Read full review
2018-07-31
1956 views
第一次去呢間餐廳係食夜晚，整體都好好，食物好好，服務亦好好！直至食完第二次，對呢間餐廳係極度失望，就算食物質素再好我都決定以後唔會再去呢間餐廳亦不會推薦比其他人！事緣係我地一行四人book左閒日星期一嘅1:00食lunch ,前一晚打去book時侍應話只有table枱，無得叫$580嘅sukiyaki set ，只可以叫mini sukiyaki ,估計應該係四人枱坐四人唔夠位做關西風嘅sukiyaki ,咁我地都照book左！當日我地因爲塞車係遲到左大約15mins ,係非常唔好意思,雖然塞車都唔係遲到藉口，但惡夢就係呢度開始！趕到時我地都行到好熱，一入去待應係完全無笑容，唔緊要，我唔要求好殷勤嘅服務態度，但坐底左一陣，我地問下待應可否開大小小冷氣，因為太熱，然後見到侍應同女經理講，然後見到女經理講左一個字:「熱?（再加一個冷笑表情）」！到食到一半時，我地覺得越食越熱，枱頭望下冷氣機，發現冷氣機係熄左(坐底時冷氣係有開嘅)，因為見到冷氣機係熄左燈，再望多一陣女經理見到我地望左咁耐好似知道我地發現左，佢先喺我地面前開返冷氣！到呢一刻我先諗究竟我地做錯咩事要另到女經理明知我地好熱都仲要熄
直至食完第二次，對呢間餐廳係極度失望，就算食物質素再好我都決定以後唔會再去呢間餐廳亦不會推薦比其他人！
事緣係我地一行四人book左閒日星期一嘅1:00食lunch ,前一晚打去book時侍應話只有table枱，無得叫$580嘅sukiyaki set ，只可以叫mini sukiyaki ,估計應該係四人枱坐四人唔夠位做關西風嘅sukiyaki ,咁我地都照book左！當日我地因爲塞車係遲到左大約15mins ,係非常唔好意思,雖然塞車都唔係遲到藉口，但惡夢就係呢度開始！
趕到時我地都行到好熱，一入去待應係完全無笑容，唔緊要，我唔要求好殷勤嘅服務態度，但坐底左一陣，我地問下待應可否開大小小冷氣，因為太熱，然後見到侍應同女經理講，然後見到女經理講左一個字:「熱?（再加一個冷笑表情）」！到食到一半時，我地覺得越食越熱，枱頭望下冷氣機，發現冷氣機係熄左(坐底時冷氣係有開嘅)，因為見到冷氣機係熄左燈，再望多一陣女經理見到我地望左咁耐好似知道我地發現左，佢先喺我地面前開返冷氣！
到呢一刻我先諗究竟我地做錯咩事要另到女經理明知我地好熱都仲要熄左個冷氣，我認為可能遲到另佢地好不滿，我地都有唔啱，但也不足以要咁樣報復！我地只好快快食完就走了！
總括係一個女經理拖累成間餐廳，係可惜，因為食物係不錯，但係食嘅過程太辛苦了，因為係太熱，加上待應嘅面容係絶對不友善，與第一次嘅用餐體驗相差太遠了，失望至極！
Post