丼瀛 (Closed)

今日放假，下晝就去咗官塘工廈尋寶，行到攰攰地，就去咗駿業街中海日升中心的餐廳「丼瀛」食野。 餐廳佈置簡單，牆上佈滿打氣加油便條，坐位寛濶舒服。食物選擇多，有刺身、壽司、天婦羅、爐端燒、串燒等……。 🥢丼瀛特上築地壽司杯……聽個名就知道係新鮮 築地壽司杯共有7杯，賣相非常吸睛，每杯壽司飯加上不同鮮刺身，包括有新鮮彈牙赤蝦🦐、 油脂紋理分明，肥美的三文魚腩、入口綿滑細膩香葱吞拿魚+海膽、香濃蟹膏+松葉蟹、鮮甜帆立貝、鯛魚刺身、彈口芥辣八爪魚等。🥢燒帆立貝切粒的帆立貝，配上上湯燒煮，入口非常creamy ，上湯味道濃郁，帆立貝彈牙鮮甜。