Video
Read full review
2023-03-29
138 views
位於銅鑼灣既阿閒泰一入到去既感覺係好舒服，環境好闊落，窗口位仲望到海景，裝修既感覺都好柔和，配埋啲輕快音樂，成件事好relax。環境好之外，食物質素都好高。叫左個手切豬肉丸船粉，一般船粉都較細份，但佢呢個就係正常size，絕對夠食，湯底唔會好辣，塊肉片又薄又大塊，肉丸都係有料到，夠彈牙同好有豬味。無骨海南雞有配埋開胃既菠蘿同酸蘿蔔，食完再食香滑既海南雞就岩哂，因為個海南雞個醬汁都係酸酸甜甜，成件事好夾，兩個人食份量岩岩好。特別想試下佢既冬蔭功濃汁海鮮配蒜茸，果然冇令我失望，佢既冬蔭功汁係夠濃味，又有小小辣味，海鮮有蝦、帶子，魷魚、同埋青口，仲有啲菇係度索哂d汁，好味。個蒜茸包都係好出色，蒜茸份量唔係小小係面，而係茶得好勻巡，個包又夠脆，絕對係高質蒜茸包，記得趁熱食。飲品叫左個椰青滑冰，椰奶味較重，唔係椰子水既感覺，夏天飲呢個一流，佢既滑冰真係涼透心。🍲手切豬肉丸船粉 $92🐓無骨海南雞 $158🥘冬蔭功濃汁海鮮配蒜茸 $208🍧椰青滑冰 $68
叫左個手切豬肉丸船粉，一般船粉都較細份，但佢呢個就係正常size，絕對夠食，湯底唔會好辣，塊肉片又薄又大塊，肉丸都係有料到，夠彈牙同好有豬味。
無骨海南雞有配埋開胃既菠蘿同酸蘿蔔，食完再食香滑既海南雞就岩哂，因為個海南雞個醬汁都係酸酸甜甜，成件事好夾，兩個人食份量岩岩好。
特別想試下佢既冬蔭功濃汁海鮮配蒜茸，果然冇令我失望，佢既冬蔭功汁係夠濃味，又有小小辣味，海鮮有蝦、帶子，魷魚、同埋青口，仲有啲菇係度索哂d汁，好味。個蒜茸包都係好出色，蒜茸份量唔係小小係面，而係茶得好勻巡，個包又夠脆，絕對係高質蒜茸包，記得趁熱食。
飲品叫左個椰青滑冰，椰奶味較重，唔係椰子水既感覺，夏天飲呢個一流，佢既滑冰真係涼透心。
🍲手切豬肉丸船粉 $92
🐓無骨海南雞 $158
🥘冬蔭功濃汁海鮮配蒜茸 $208
🍧椰青滑冰 $68
Post
