Video
Read full review
2014-06-18
530 views
今晚去甜姨姨已經光顧很多次食物水準仍然能保持，麻煩大少有多種材料，包括龍眼肉，的確是清涼甜品最佳選擇。可惜餐牌中並無新意，近兩年來都未有新甜品推出過，而且食物份量又縮咗水，真係有D失望⋯⋯當晚重叫咗一杯西瓜涼粉爽，但係杯西瓜沙冰竟然淡而無味⋯⋯好似飲沙冰水咁！
Other Info. :
雖然食物仍能保持，但服務態度就真的令人氣憤！\r\n餐廳收兩點，零晨一點十五分六人坐下，店員已將近洗手間的長桌子收起並放滿杯碟，只有中間的兩張長桌亦已經坐了客人，淨下兩旁數張二人枱，心想，先坐下，再看看長桌的客人會否埋單離開，然後我們六人便可由三張二人桌轉到長桌⋯⋯但眼見長桌人客吃完仍未有去意，所以便問店員可否將我們位於旁邊的三張桌子拍埋，男店員說不方便，因為要拖地！客人仍未離開，食肆怎可能開始拖地？？？難道要客人看著店員邊拖地邊吃糖水？
⋯其實冇得轉枱都冇咩問題⋯⋯但突然另一本地女店員上前問我們有什麼問題，我一心以為佢有好提議，於是再重覆要求，點知佢話唔方便！我哋就話其實三張枱拍埋冇咩唔方便，因為我哋可以自行將糖水轉遞，而且當時餐廳叧一邊仍然有許多空桌，亦有路可讓客人行走。點知這女店員竟然以盤問形式問我們打算點様坐！跟住重突然用有廣東話音嘅英文同我哋講嘢！重話我哋唔滿意可以去另一間！真係唔休做咁樣！
甜品水準已經沒有進步，又冇提供新口味，一向唔太好嘅服務態度重變本加厲！重要隨時準備同店員用英語溝通！睇嚟都係時候搵過另一間幫襯喇！
(The above review is the personal opinion of a user which does not represent OpenRice's point of view.)
Post