瘋狂小面 (佳德商業大廈)

Open Now

Now Closed

我同朋友以前好鍾意返大陸玩。但係都唔知會唔會再去，會都唔知係幾時嘅事。呢度呢間四川麵館，真係好有去咗四川旅行嘅感覺。我哋食咗佢個set，有前菜，有麵食，有飲品，有甜品。呢一間瘋狂麵店嘅主打係所有瘋狂系列嘅麵食，我朋友食咗個瘋狂牛肉麵，夠晒辣，牛肉分量都夠多，麵質煮得剛剛好。我食咗擔擔麵小辣，佢唔係上海麵嗰種擔擔麵，而係四川嗰種得唔得面，即係冇乜花生醬但係有辣油，同樣冇失望。一路食嘅時候仲有兩個小食share，分別係棒棒雞同紅油豬耳。最後兩個甜品，紅棗銀耳湯非常滋潤，唔會太甜，適合香港人口味，成都老粉冰好特別，有少少似透明嘅涼粉，再爽少少，好少地方有得食。