二少廚房 (Closed)

二少廚房食咗先講，都知道鴻圖道近巧明街有啲好嘢食，開咗個food court 一直冇機會去試，見到下午嘅時間都好多人排隊，其中佢嘅手撕雞飯，上網睇原來好多人食過都話正，另外仲有煲仔飯亦都係呢度首選。叫咗一個手撕雞飯就可以跟一杯豆漿或者嘢飲，我哋叫咗個奶油蒜香手撕雞泰國絲苗香米飯，食落去真係好有奶油味，蒜香又唔算太突出，啲飯好熱辣辣，佢將餸同飯分開，味道好夾。另外要讚一讚呢度啲湯，燉得好出色，而且係好燙口，仲好足料添，裏面搵到好多烏雞同埋花旗參，發現啲湯渣仲多過啲湯！