Video
Read full review
2018-05-15
262 views
過咗最餓嘅7，8點食飯時間，諗住同朋友細食啲，share看似1個人份量嘅嘢，點知好飽呀！小食叫咗蛋黃醬芝士蟹肉多士（HKD78/4件），睇落以為細細件，一咬好大啖肉喎，正！用法國麵包做多士係啱嘅，如果唔係承受唔到蟹肉嘅重！我覺得有少少芥末味，都唔錯。重頭戲係黑松露醬軟殼蟹芝士牛角包配薯條（HKD148），因為我超鍾意食軟殼蟹，呢度仲超大隻添！黑松露醬都好似有少少芥末味，開頭食都唔錯，包又脆，味幾清，不過食多幾啖開始有啲鹹，一個人食晒可能會滯少少。甜品係飯後必須嘅，法式蘋果金寶配雪糕（HKD78）原來係夢幻組合！焗到香脆嘅曲奇碎，加上微酸又軟嘅蘋果粒，心心眼半爆發喇！夾埋雪糕一齊食，冷熱混合嘅感覺好正囉！PS. 花係餅嚟嘅，可以食埋。開頭見杯有機熱帶果綠茶（HKD36）咁細杯覺得實唔夠飲啦，原來中途會幫你加熱水繼續飲，老闆又幾禮貌，呢個半晚餐加半宵夜都食得幾開心。美咪指數：8.5/10抵食指數：7.5/10
小食叫咗蛋黃醬芝士蟹肉多士（HKD78/4件），睇落以為細細件，一咬好大啖肉喎，正！用法國麵包做多士係啱嘅，如果唔係承受唔到蟹肉嘅重！我覺得有少少芥末味，都唔錯。
重頭戲係黑松露醬軟殼蟹芝士牛角包配薯條（HKD148），因為我超鍾意食軟殼蟹，呢度仲超大隻添！黑松露醬都好似有少少芥末味，開頭食都唔錯，包又脆，味幾清，不過食多幾啖開始有啲鹹，一個人食晒可能會滯少少。
甜品係飯後必須嘅，法式蘋果金寶配雪糕（HKD78）原來係夢幻組合！焗到香脆嘅曲奇碎，加上微酸又軟嘅蘋果粒，心心眼半爆發喇！夾埋雪糕一齊食，冷熱混合嘅感覺好正囉！
PS. 花係餅嚟嘅，可以食埋。
開頭見杯有機熱帶果綠茶（HKD36）咁細杯覺得實唔夠飲啦，原來中途會幫你加熱水繼續飲，老闆又幾禮貌，呢個半晚餐加半宵夜都食得幾開心。
美咪指數：8.5/10
抵食指數：7.5/10
黑松露醬軟殼蟹芝士牛角包配薯條
$148
32 views
1 likes
0 comments
黑松露醬軟殼蟹芝士牛角包配薯條
$148
19 views
0 likes
0 comments
蛋黃醬芝士蟹肉多士
$78
8 views
0 likes
0 comments
法式蘋果金寶配雪糕
$78
28 views
0 likes
0 comments
有機熱帶果綠茶
$36
6 views
0 likes
0 comments
Post
