酸菜桂花魚 (生魚)
揀左少辣少麻少油，鍾意呢間連油都可以揀少油，辣度我接受到，條脷食到麻麻地，生魚夠嫩滑，基本上無骨，份量亦好多，啖啖肉，爽。
辣子田雞
揀左少辣少麻少油，炸得好香脆，十分惹味。
夾沙肉
揀左少油，我地第一次食，底層係糯米同紅豆沙餡，鋪住肥豬肉同砂糖，口感黏稠，好特別又幾好食。
四川擔擔麵
揀左中辣多麻，湯底十分濃郁，湯汁非常掛到啲麵，花生味都好出，香港數一數二好食既擔擔麵，十分滿意。
紅糖糍粑
有12條甘多，紅糖醬另上，糍粑好軟糯，外皮夠脆，好食。
叫左支竹蔗茅根下火。
