三禾中日料理 (Closed)

友人生日飯，本來一班朋友高高興興的食，但就掃興地走。因有12個人既關係，所以就一早已訂枱，餐廳亦安排房比我地，心想好啦有房就可以方便傾計嘈啲都冇關係啦。食物開始上時都冇問題，去到大約未夠一個鐘時就開始冇冷氣，之後叫職員入來睇睇再調教返，就有風出 '但唔係冷氣囉'😡😡，之後大約10分鐘又停了，我地又叫職員入來.......呢個動作我地輪迴左好幾次，到最後佢地都推左部大風機入來，但其實都唔涼，叫做返啲野咁啦。成餐飯我應該離開過間房超過10次，攞下汽水、陪食下煙仔、出大廳涼下冷氣.......，平心而論我覺得食物味道唔係差，但係一個室內冇冷氣既情況下打邊爐我真係享受唔到食野既樂趣。熱到根本唔想再影相。海膽送既，唔食都唔需要覺得可惜