Video
Read full review
2022-11-22
623 views
肥妹仔同肥媽，寶寶去粉嶺探親戚，順便響粉嶺食晩飯，途經呢一間叫做檳城日和餐廳，餐廳店員好熱心咁推介佢哋嘅食物，望一望個餐牌覺得價錢亦都好相宜，決定試一試。斑蘭椰漿飯配傳統金黃炸雞髀$72肥妹仔俾佢嘅雞髀吸引咗，真係同肥妹仔塊面一樣咁大塊！雞髀係生炸，食落去一啲粉漿都冇，而且雞髀外面有一啲香料例如香茅等去醃製，食落去好香香茅嘅味道。雞肉好嫩滑，外皮炸到香脆，咬一啖肉汁咇出嚟。斑蘭椰漿飯亦都唔輸蝕，好香斑蘭味，飯煮得剛剛好，伴碟嘅小菜有油炸花生、小魚乾等等，非常之豐富。香烤薄餅，配咖喱醬 $32薄餅係我哋平時食開嗰隻印度薄餅，好香酥油味，外皮煎到脆卜卜，餅本身就煙煙韌韌，沾上特製嘅咖喱醬，微辣，好好食。自家製班蘭咖央多士$35肥妹仔最鍾意食班蘭咖央多士，咖央醬好香，而且醬既份量都俾得多，同埋有斑蘭嗰種獨特嘅香味，肥妹仔都唔當係甜品，直頭覺得佢應該係成為主菜之一。檳城日和特色小食拼盤 $168呢一個拼盤真係非常抵食，份量同種類都有好多，有一口蝦多士，炸春卷，炸雞翼，沙嗲雞肉串，薯條，五香卷等等，真係非常之豐富。炸雞翼同埋串燒唔錯，一口蝦多士雖然好迷你，但係食落去都幾向香蝦嘅鮮味。最令肥妹仔感
斑蘭椰漿飯配傳統金黃炸雞髀$72
肥妹仔俾佢嘅雞髀吸引咗，真係同肥妹仔塊面一樣咁大塊！雞髀係生炸，食落去一啲粉漿都冇，而且雞髀外面有一啲香料例如香茅等去醃製，食落去好香香茅嘅味道。雞肉好嫩滑，外皮炸到香脆，咬一啖肉汁咇出嚟。斑蘭椰漿飯亦都唔輸蝕，好香斑蘭味，飯煮得剛剛好，伴碟嘅小菜有油炸花生、小魚乾等等，非常之豐富。
香烤薄餅，配咖喱醬 $32
薄餅係我哋平時食開嗰隻印度薄餅，好香酥油味，外皮煎到脆卜卜，餅本身就煙煙韌韌，沾上特製嘅咖喱醬，微辣，好好食。
自家製班蘭咖央多士$35
肥妹仔最鍾意食班蘭咖央多士，咖央醬好香，而且醬既份量都俾得多，同埋有斑蘭嗰種獨特嘅香味，肥妹仔都唔當係甜品，直頭覺得佢應該係成為主菜之一。
檳城日和特色小食拼盤 $168
呢一個拼盤真係非常抵食，份量同種類都有好多，有一口蝦多士，炸春卷，炸雞翼，沙嗲雞肉串，薯條，五香卷等等，真係非常之豐富。炸雞翼同埋串燒唔錯，一口蝦多士雖然好迷你，但係食落去都幾向香蝦嘅鮮味。最令肥妹仔感到驚喜係佢嘅五香卷，食落去好香五香粉味，而且入邊有馬蹄，豬肉等等，咬落去爽口彈牙，強推。
咖喱喇沙湯海鮮麵 $75
肥媽就叫咗呢一個喇沙海鮮麵，海鮮嘅款式有爽口彈牙嘅魷魚，蜆肉，青口，仲有好索湯嘅豆卜同埋炸豆皮，肥妹仔試咗一啖湯，好香濃嘅咖喱味。
凍檳城焦糖咖啡少甜少冰$28
同肥妹仔飲開嘅咖啡唔同，呢一隻檳城焦糖咖啡少奶，但係好香甜嘅焦糖味。
桔仔冰茶 $28
即係甘桔茶酸酸甜甜，好飲。
Post
