牛站(駅)麻辣火鍋放題

Open Now

Now Closed

今日有朋友生日，所以我哋就去咗呢間位於觀塘嘅💁🏻‍♀️牛站（駅）麻辣火鍋放題，至愛佢哋嘅環境濶落又坐得舒服😌。店內嘅放題價錢由＄248- ＄328不等，最後我哋選擇咗$288（120分鐘吃到飽放題）一坐低當然選擇湯底先啦，有十款選擇😁我哋就點咗（胡椒豬肚湯鍋）材料十足，好多豬肚係鍋入面，滾一滾成個湯底都好濃郁。朋友至愛食牛肉，有美國牛肩胛片、手切封門柳、安格斯牛板腱和美國極黑和牛片，想食肉味濃郁、嫩滑、軟腍、或是有咬口既肉質都有🐂．🐂．🐂而我就當然食豬啦，西班牙豬五花片和美國豬梅肉片，賣相都幾靚，加上薄切又快熟，唔會好嚡口👍🏻。而自助區就有蔬菜、丸類、冷盤和飲品，而最特別嘅係有個台式甜品櫃，就連珍珠奶茶都可以飲到😁。重有好多火鍋配料、都可以用QR code 落單，海蝦、蜆、沙鯭魚、日本帆立貝等等．．份量要幾多就點幾多，就連燒乳鴿皇都有🥰🥰！店員亦分享咗佢哋有個中午放題，無限時4小時任食，咁下次就可以約埋朋友再慢慢食，慢慢傾啦😁。