澳門朋友就好想食點心，我們去左呢間啦！
款式唔算太多，不過貴精不貴多！大家話啱唔啱先！大部分點心都係即叫即蒸！
老干媽醬炒腸粉 ($49)
炒腸粉配合老干媽醬，辣香味十足，非常醒胃
腸粉亦唔會話炒到乾晒！
黃金流沙西多士($44)
這個西多士非常邪惡，食左一啖就會想食第二啖，裏面既奶黃我保證你一定可以食到最尾，不會食左一半就冇晒奶黃!
足三兩蟹籽燒賣王($38)
我咁大個仔都食個咁大粒燒賣，每一啖都係蝦肉，好爽丫！
足三兩周記蝦餃王($40)
呢個蝦餃王,皮薄煙韌不黐牙，餡料爽口鮮味又彈牙！
黑白芝麻蝦多士($44)
裏面既蝦膠差不多有2 - 3吋厚，配上炒香既黑白芝麻！媽，我搵到我嘅初戀！
