108
27
51
Level1
1
0
10月8日小妹一行3人去光顧荃灣浦和食放題,新張期內每位$158.00限食2小時。19:01到達,坐低即叫刺身,侍應生建議先order刺身船,可一次過食多款,來到共有6款,每款得3片,少左D,算OK啦.....19:06第一次order,才真正一肚火,如下:1) order 串燒5款,說明各3串,來到只得其中3款,唔齊不特止,仲要等好鬼耐;2) order 牛肉火煱及清酒煮蜆,要等成50分鐘才到;3) 落了南瓜、 蕃薯天婦羅及餃子,無講明件數,來到每款只得2件,叫我哋3個人點分呢 ?我哋見落d order,又漏單又慢,馬上 order 第2次,點知仲頂癮,叫炒雜菜、日式海鮮粥、刺身2款,點知個低低地的侍應生竟然話,刺身不如下次叫啦,免得交叉感染呀???!!! 聽完佢講,簡直想死,咩嘢叫(任食放題2小時),心諗梗係爭取時間 order,叫自己 like 的食物啦,仲要我哋食嘢時,分開來叫分開來食,佢哋上菜又鬼死慢咁,你估我哋食緊法國菜咩,要食成晚慢慢享受牙!第2次 order 的炒雜菜嚟得好快;刺身2款,每款又係得2片,就算係配給,你都一人一片吖,點分吖!仲衰過向佢乞!吃到此刻已經一粒鐘
Read full review
10月8日小妹一行3人去光顧荃灣浦和食放題,新張期內每位$158.00限食2小時。

19:01到達,坐低即叫刺身侍應生建議先order刺身船,可一次過食多款,來到共有6款,每款得3片,少左D,算OK啦.....

19:06第一次order,才真正一肚火,如下:
1) order 串燒5款,說明各3串,來到只得其中3款,唔齊不特止,仲要等好鬼耐;
2) order 牛肉火煱及清酒煮蜆,要等成50分鐘才到;
3) 落了南瓜、 蕃薯天婦羅及餃子,無講明件數,來到每款只得2件,叫我哋3個人點分呢 ?
我哋見落d order,又漏單又慢,馬上 order 第2次,點知仲頂癮,叫炒雜菜、日式海鮮粥、刺身2款,點知個低低地的侍應生竟然話,刺身不如下次叫啦,免得交叉感染呀???!!!
聽完佢講,簡直想死,咩嘢叫(任食放題2小時),心諗梗係爭取時間 order,叫自己 like 的食物啦,仲要我哋食嘢時,分開來叫分開來食,佢哋上菜又鬼死慢咁,你估我哋食緊法國菜咩,要食成晚慢慢享受牙!

第2次 order 的炒雜菜嚟得好快;刺身2款,每款又係得2片,就算係配給,你都一人一片吖,點分吖!仲衰過向佢乞!吃到此刻已經一粒鐘,突然警鐘響起,響了足足15分鐘有多,頭痛到死,忍唔住問侍應生發生什麼事?她說只是試警鐘,無事ga,有事我都走啦,唔洗驚。之後見到商場保安上來,聽到佢話唔係商場警鐘響,是餐廳自己安裝的警鐘響,佢無匙熄,叫餐廳自己找匙熄鐘,又話可能係廚房唔知燒著d什麼,叫他們自己搵吓。

究竟點解個鐘會響呢 ?

響咁耐鐘,點解都無消防來既?係咪要有人報警才會來。

仲有,最大問題是間餐廳侍應講大話,草率了事,求其回應食客,莫視食客人生安全,生死攸關,萬一真是發生火警,有人走唔切,或混亂中趺撞,點算好呀 ???

我們越諗越驚,無心機食,惟有埋單走人。
我們費事等,自己行去收銀枱埋單,點知收銀條女竟然唔答我,仲走去執枱,唔理我們。
約等了5分鐘,再去問她攪掂未,她依依哦哦,然后叫了經理來,經理先生先 say sorry, 說會幫我們換枱,請我們給他時間,等他安排一下。

點解我們唔食要埋單都咁難?真係俾 lee 間餐廳玩死,食又火滾,唔食又有激死,在幾經交涉下,個經理說給我們 less 10% ,即係無收加一啦!佢d 咁ga服務,都唔好意思收服務費啦!
lee間餐廳真係極品,簡直貼錢買受難,如果大家想挑戰吓自己的EQ,不妨去光顧一次,包大家的忍耐力,會大大提升。
(The above review is the personal opinion of a user which does not represent OpenRice's point of view.)
Post
DETAILED RATING
Date of Visit
2009-10-08
Spending Per Head
$158 (Dinner)