首爾石鍋燒 (Closed)

夜晚諗唔到食乜嘢，經過首爾門口就諗住快脆食完返屋企休息，點知入去個“戴眼鏡肥佬”waiter安排我坐門口位，我話我唔係門口位（開門關門果種會有熱氣攻入嚟），問去坐另一張得唔得，之後佢黑晒面安排我坐喺兩pairs食客嘅中間，果陣餐廳有2/3吉位，而且佢開頭係安排近門口嘅4人位俾我坐，其實我要求坐嘅位置只係離門口隔3，4張枱，唔明點解佢格硬安插我喺兩pair人中間?!果兩pair人都好驚訝，搞到我哋迫埋一齊坐，而且我張凳有水又唔抹，態度極之惡劣!入嚟消費仲要受你氣！😠我食咗個泡菜豆腐鍋，味道好一般，得酸同辣，而且肉很少，不過粉絲份量算多，可以唔駛跟飯。