因為工作關係，8點幾差唔多9點先入座，雖然夜，但係都滿座，要等一陣位，座位算幾逼吓，叫咗必食既新加坡喇沙同馬拉盞炒椰菜苗。
之前食過幾次新加坡喇沙，啲湯好濃好香，唔知點解今次味道好淡，得少少椰奶同辣油味，平時既香葉同香茅味都無。入面啲餸係正常既，魚蛋，雞蛋幾好食，蝦都彈牙，但係喇沙既湯係重點嚟，呢個價錢咁淡味既湯，認真麻麻地。
1
椰菜苗係正常既，份量都算多，食咗一半先記得影。
食食吓，突然有好大陣消毒藥水味，原來係差唔多關門，員工開始用消毒藥水抹枱，抹梳化，雖然食食吓有陣消毒味好奇怪，不過疫情期間勤消毒都係好事，所以算啦。但係大概9點15分左右，有收垃圾既工人推住垃圾車嚟收垃圾，過咗一陣推咗人咁高既垃圾走，個個食客都係無戴口罩食緊嘢，咁樣真係好唔衛生。
